महामंडळाची स्थापना

समाजातील दारिद्र्य रेषेखाली जीवनमान जगणा-या विमुक्‍त जाती व भटक्‍या जमातींच्‍या लोकांचा विकास करण्‍याच्‍या दृष्‍टीने महाराष्‍ट्र शासनाने दिनांक ८ फेब्रुवारी, १९८४ रोजी कंपनी कायदा, १९५६ नुसार महामंडळाची स्‍थापना केली आहे.

शासन निर्णय वनाम -१०९९/प्र.क्र.१२६/इमाव-२ दि- १३ जुलै, १९९९ नुसार विशेष मागास प्रवर्गातील जातींना कर्ज पुरवठा करण्‍याकरीता वसंतराव नाईक विमुक्‍त जाती व भटक्‍या जमाती विकास महामंडळास प्राधिकृत वाहिनी म्‍हणून शासनाने मान्‍यता दिली आहे.

स्थापनेची उद्दिष्टे

विमुक्‍त जाती व भटक्‍या जमातीच्‍या समाजातील आर्थिक दृष्‍ट्या दुर्बल घटकातील व्‍यक्‍तींना सवलतीच्‍या व्‍याज दराने अर्थसहाय्य देऊन त्‍यांच्‍या आर्थिक, शैक्षणिक व सामाजिक उन्‍नतीकरिता महामंडळाची स्‍थापना करण्‍यात आली आहे.

महामंडळाचे अधिकृत व वितरीत भाग भांडवल

वसंतराव नाईक विमुक्‍त जाती व भटक्‍या जमाती विकास महामंडळाचे अधिकृत भाग भांडवल रु. २००.०० कोटी असून त्यापैकी मार्च, २०२५ पर्यंत शासनाकडून रु.१९९.८७ कोटी भागभांडवली अंशदान म्हणून प्राप्त झाले आहे. सदर रक्कमेमध्ये शासन कर्जमाफीची रु. ४९.४९ कोटी इतकी रक्कम समाविष्ट आहे.

उपकंपन्यांचा तपशील

संचालक मंडळाबाबत

वसंतराव नाईक विमुक्‍त जाती व भटक्‍या जमाती विकास महामंडळाच्या संचालक मंडळात एकूण ०९ सदस्य असून त्यामध्ये ६ शासकीय सदस्य व ३ अशासकीय सदस्य आहेत.

• मा. मंत्री, इतर मागास बहुजन कल्याण विभाग तथा मा. अध्यक्ष, वसंतराव नाईक विमुक्‍त जाती व भटक्‍या जमाती विकास महामंडळ (मर्या.)
• मा.राज्यमंत्री , इतर मागास बहुजन कल्याण विभाग तथा मा.उपाध्यक्ष, वसंतराव नाईक विमुक्‍त जाती व भटक्‍या जमाती विकास महामंडळ (मर्या.)
• मा.अपर मुख्य सचिव / प्रधान सचिव / सचिव, इतर मागास बहुजन कल्याण विभाग, मंत्रालय, मुंबई-400 032.
• मा. संचालक, इतर मागास बहुजन कल्याण संचालनालय, पुणे-1.
• मा.सहसचिव/उपसचिव, इतर मागास बहुजन कल्याण विभाग, मंत्रालय, मुंबई-400 032.
• व्‍यवस्‍थापकीय संचालक, वसंतराव नाईक विमुक्‍त जाती व भटक्‍या जमाती विकास महामंडळ (मर्या.) मुंबई.
• अशासकीय सदस्य - ३

महामंडळाची प्रशासकीय संरचना

महामंडळाचे प्रशासकीय नियंत्रण शासनाच्या इतर मागास बहुजन कल्याण विभागाकडे आहे. महामंडळाच्या कार्यनियमावलीनुसार मा.अध्यक्ष व संचालक मंडळाची नियुक्ती शासनातर्फे केली जाते. तसेच महामंडळाच्या व्यवस्थापकीय संचालक यांची नियुक्तीही शासनातर्फे करण्यात येते.

महामंडळाचे नोंदणीकृत मुख्यालय जुहू सुप्रिम शॉपिंग सेंटर, गुलमोहर क्रॉस रोड क्र.९, विलेपार्ले (पश्चिम), मुंबई ४०००४९ येथे आहे.

महामंडळाची स्‍थापना झालेपासून सर्व जिल्ह्यांमध्ये महामंडळाची स्वतंत्र कार्यालये कार्यान्वित झालेली आहेत. महामंडळाची स्वत:ची वेबसाईट असून, सदर वेबसाईटवर महामंडळाच्या स्थापनेपासूनची सर्व माहिती तसेच महामंडळ राबवित असलेल्या सर्व योजनांची माहिती व कर्ज मागणी अर्जाचे नमुने उपलब्ध आहेत. सर्व उपकंपनींकरीता स्वतंत्र वेबसाईट तयार करण्यात आली आहे.

मुख्यालय, प्रादेशिक व जिल्हा कार्यालयातील अधिकारी / कर्मचारी वर्गाचा तपशील